Да воскреснет Бог, и расточатся врази Его, и да бежат от лица Его ненавидящие Его.
Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшего силу диаволю, и даровавшаго нам тебе Крест Свой Честный на прогнание всякаго супостата.
О, Пречестный и Животворящий Кресте Господень! Помогай ми со Святой Госпожею Девою Богородицею и со всеми святыми во веки. Аминь.

Спаси Господи люди Твоя, и благослови достояние Твое, победы Благоверному Государю и Отцу нашему (егоже имя Ты, Господи, веси) на сопротивныя даруя, и Твое сохраняя Крестом Твоим жительство.

Слава, и ныне: (Кондак, глас 4)

Вознесыйся на Крест волею, тезоименитому Твоему новому жительству, Щедроты Твоя даруй, Христе Боже: возведи силою Твоею Благоверного Государя (егоже имя Ты, Господи, веси), победы дая ему на супостаты, пособие имущу Твое, оружие мира, непобедимую победу.

Молитва.

О Пречестной и Животворящий Крест Господень! Издревна был казни позорной оружие, теперь же знамение спасения нашего всегда почитаемое и прославляемое! Как достойно смогу я недостойный прославлять Тебя и как дерзну преклонить колени сердца моего перед Искупителем моим, исповедая грехи свои? Но милосердие и неизреченное человеколюбие Распявшегося на Тебе смиренное дерзновение подает мне, да открою уста мои для славословия Твоего; ради этого вопию к Тебе: радуйся, Крест, Церкви Христовой красота и основание, всей вселенной – утверждение, христиан всех – упование, царей - держава, верных - прибежище, Ангелов – слава и воспевание, нечестивых и неверных – посрамление, праведных – услаждение, обремененных – ослаба, обуреваемых – пристанище, заблудших - наставник, одержимых страстями – раскаяние, нищих – обогащение, плавающих – кормчий, слабых – сила, в войнах – победа и одоление, сирот – верный покров, отчаявшихся – надежда, недужных – врач и мертвых – воскрешение! Ты, прообразованный чудотворным жезлом Моисея, животворный источник, напояющий жаждущих духовной жизни и услаждающий наши скорби; Ты – одр, на нем же царственно почил тридневно Воскресший Победитель ада. Ради этого и утром, и вечером, и в полдень прославляю Тебя, треблаженное Древо, и молю волею Распявшегося на Тебе за грехи мои Господа Спасителя моего Иисуса Христа, да просветит Он и укрепит Тобою ум мой, да откроет в сердце моем источник любви совершенной и вся дела мои и пути мои Тобою осенит. Аминь.